Fethullah Gylen tregon se a ka gisht në puçin ushtarak në Turqi (Video)

Në një konferencë për shtyp, M. Fethullah Gylenin, u është përgjigjur disa pyetjeve që shqetësojnë më shumë opinionin publik ndërkombëtar lidhur me përpjekjen për grusht shteti në Turqi.

I pyetur se “si është e mundur që Erdogani e cilëson atë si arkitektin e këtij grushti shteti dhe cili është reagimi i tij para një akuze të këtillë”, Gyleni përgjigjet se “kjo nuk është një gjë e re, pasi akuzat ndaj tij dhe mbështetësve apo simpatizuesve të tij apo ideve të tij nuk kanë reshtur për asnjë çast që prej skandalit të aferave korruptive të 17 dhe 25 dhjetorit 2013”.

Lexo po ashtu Turqia pezullon mbi 15 mijë punëtorë në arsim

Veç të tjerash, ai shprehet “se është e pamundur që ta kem bërë unë, tani, në moshën 77-vjeçare, kur kanë kaluar plot 20 vjet që parashtroj një vizion të qartë mbi epërsinë e demokracisë dhe republikanizmit ndaj dhunës dhe praktikave të grushtit të shtetit. Edhe atëherë kur unë e vija theksin tek demokracia, në vitet ’90, ishin po këta që më kritikonin kudo që t’u jepej mundësia”.

Ai ofroi gjithashtu edhe një interpretim të rrjedhës së ngjarjeve parë nëpërmjet parimit të shkak-pasojës.

“Nëse do ta krahasojmë me grushtet e shtetit të mëparshme, do të thosha se nëse do ta analizonim gjithçka me një sy gjithëpërfshirës, kjo ngjan si diçka e sajuar vetë. Dhe me shumë gjasë, meqë dolën menjëherë pas ngjarjes për të thënë se tani janë të lirë të marrin në kontroll edhe ushtrinë. Këtë mund ta kenë bërë ata vetë, mund ta ketë bërë ndokush nga nacionalistët, ose ndonjë i naiv i nxitur pa e kuptuar”, deklaroi ai.

“Tani, unë jam i gatshëm që të ngrihet një komision ndërkombëtar, ta hetojë gjithçka dhe unë jam gati ta pranoj”, ka shtuar ai.