Ferguson pranon sfidën ndaj Nurmagomedovit, afër zyrtarizimi i super meçit për titullin e UFC-së

Tony Ferguson ka nënshkruar marrëveshjen e tij dhe do të takohet Khabib Nurmagomedov për titullin e peshave të lehta të UFC-së më 18 prill.

Pasi Nurmagomedov, i cili ka rekord 28-0 në MMA dhe 12-0 në UFC e nënshkroi marrëveshjen më herët këtë javë, u desh kohë që pjesa e marrëveshjes së Ferguson me rekord 25-3 në MMA dhe 15-1 në UFC të përfundojë.

Ferguson ka arritur tashmë marrëveshjen me drejtuesit e UFC-së dhe tani është vendosur lufta e shumëpritur për titullin e peshave deri në 70 kilogramë.

Full details on Khabib vs. Tony. Guys. It’s gonna happen this time. Say it with me. https://t.co/JODvXzStQF

— Brett Okamoto (@bokamotoESPN) November 30, 2019

ESPN.com raportoi fillimisht, ndërsa tani MMA Junkie verifikoi lajmet për kontratën e nënshkruar të Ferguson të premten me një anëtar të menaxhmentit të tij në Ballengee Group.

Ngjarja e madhe mes dy titanëve të arteve të përziera marciale pritet të ndodh më 18 prill të vitit të ardhshëm dhe pritet të zhvillohet në Barclays Center të Brooklyn në New York.

Nëse meçi mes këtyre dy luftëtarëve ndodh atëherë do të ishte hera e parë në histori, pasi katër marrëveshje në të kaluarën kanë dështuar.

Secili luftëtar është tërhequr nga dy herë nga luftimet e planifikuara, të cilat janë rezervuar në vitin 2015, 2016, 2017 dhe 2018. /Telegrafi/