FC Seoul merr gjobë rekord pas vendosjes së ‘kukullave seksi’ në tribuna

FC Seul u dënua me një gjobë rekord prej 67 mijë funtesh për vendosjen e ‘kukullave seksi’ në tribuna gjatë ndeshjes së tyre në K-League kundër Gwangju FC.

Ekipi i Koresë së Jugut mbushi stadiumin e tyre të zbrazët me rreth 20 kukulla me disa maska ​​në fytyrë dhe ngjyrat e ekipit ndërsa reklamonte SoloS – një shitës lodrash seksi.

“Kukullat seksi” u vendosur në tribuna si një zëvendësim për tifozët të cilët nuk lejohen ende në ndeshje për shkak të krizës së coronavirusit.

Lexo po ashtu Ishte ndeshje e vetme drejtpërdrejtë – përballja e parë pas coronavitusit në Koren e Jugut shikohet nga më shumë se 20 mijë njerëz

Rregullat e K-League thonë se reklamat e papërshtatshme ose seksuale nuk lejohen dhe zyrtarët kanë vendosur që t’ia dorëzojnë klubit një gjobë rekord.

Gjoba e shqiptuar nga drejtuesit është plot 67 mijë funtesh, ndërsa FC Seoul kërkoi falje për gabimin e tyre pas fitores 1-0 të së dielës.

https://twitter.com/WhoAteTheSquid/status/1262068981546000386

“Ne do të donim t’u kërkojmë falje fansave. Ne kemi shumë keqardhje”.

“Ne do të dëshironim të sqarojmë se këto manekine janë bërë që të duken dhe të ndjehen si njerëz të vërtetë, ato nuk janë për përdorim seksual – siç konfirmohet nga prodhuesi”, thuhet në deklaratë. /Telegrafi/