Familjarët e viktimave të aeroplanit të rrëzuar MH17 nga rebelët pro-rusë në Ukrainë, akuzojnë Kremlinin për gënjeshtër

Të afërmit e 298-të viktimave të fluturimit MH17 të Malaysian Airlines, kanë akuzuar Rusinë se gënjeu për rolin e saj të supozuar në rrëzimin e aeroplanit, ndërsa ata filluan të dëshmojnë në gjyqin holandez lidhur me këtë çështje.

Siç raportojnë mediet e huaja, hetuesit ndërkombëtarë arritën në përfundimin se aeroplani me pasagjer u rrëzua mbi Ukrainën lindore me një raketë të lëshuar nga rebelët pro-rusë, ndërsa Kremlini vazhdon të mohojë çdo përgjegjësi.

“Ata gënjejnë, ne e dimë se ata po gënjejnë dhe ata e dinë që ne e thonë”, tha para gjykatës, Ria van der Steen, e cila humbi babanë dhe njerkën gjatë fluturimit, duke thënë se ajo po citonte shkrimtarin disident sovjetik të ndjerë Aleksandër Solzhenicin.

Gruaja holandeze ishte e para nga dhjetëra të afërmit të cilëve do t’u jepet një mundësi për të folur ose paraqitur deklarata me shkrim gjatë tre javëve të ardhshme.

Aeroplani MH17 po fluturonte nga Amsterdami në Kuala Lumpur kur u godit nga ajo që hetuesit dhe prokurorët ndërkombëtarë thanë se ishte një raketë ruse tokë-ajër që kishte origjinën nga një bazë ruse pikërisht përtej kufirit ukrainas.

Van der Steen bëri vërejtjet për gënjeshtrën në gjuhën ruse, duke shpjeguar se ajo e bëri këtë “në dobi të atyre që po dëgjojnë në emër të regjimit rus sot”.

“Unë dua që të dihet se e di se ku qëndron përgjegjësia. gënjeshtra dhe mashtrimi janë një taktikë e njohur në këtë lojë mace dhe miu përmes së cilës ne po aspirojmë të zbulojmë të vërtetë”, tha ajo.

Australianja Vanessa Rizk gjithashtu vuri në dukje presidentin rus Vladimir Putin dhe qeverinë e tij si pjesë e “makthit politik” që çoi në rrëzimin e aeroplanit.

“Unë ende nuk mund ta kuptoj se familja jonë është përfshirë nga një krizë zhgënjyese dhe vdekjeprurëse politike”, tha Rizk para gjyqtarëve, e cila humbi të dy prindërit e saj në aksident kur ishte 22 vjeç.

Ajo theksoi se prindërit e saj nuk kishin asnjë rol në asnjë nga politikat që çuan në vdekjen e tyre.

Rusia, e cila pohon se nuk ka financuar apo mbështetur rebelët që luftojnë trupat e qeverisë ukrainase, ka refuzuar të ekstradojë të dyshuarit. Tre rusë dhe një shtetas ukrainas, të gjithë të dyshuar se kishin role kyçe në forcat separatiste, po gjykohen për vrasje.

Pas viteve të grumbullimit të provave, një ekip hetuesish ndërkombëtarë arritën në përfundimin në maj 2018 se lëshuesi i përdorur për të qëlluar raketën i përkiste Brigadës së 53-të të Raketave Anti-Aeroplan të Rusisë.

Të dyshuarit e arratisur janë në gjyq për një vit e gjysmë. Vetëm një dërgoi avokatë për ta përfaqësuar atë, kështu që çështja nuk konsiderohet se është gjykuar plotësisht në mungesë sipas ligjit holandez.

Gjykatësit deklaruan se ata pritnin të nxirrnin një vendim në fund të vitit 2022. /Telegrafi/