Fadil Nura ka dhënë dorëheqje nga pozita e deputetit në Kuvendin e Kosovës.

Kështu ka bërë të ditur ai përmes një postimi në Facebook.

“Ju njoftoj se kam dhënë dorëheqje nga pozita e deputetit në Parlamentin e Republikës, ku me përgjegjësi jam angazhuar për të mbrojtur përveç tjerash edhe interesat e komunës sonë”, shkruan Nura.

Tutje ai ka thënë se do ta ketë nderin të shërbej tani si kryetar i Komunës së Skenderajt.

“Nderin e njëjtë do ta kem edhe tani t’ju shërbej, vetëm se me përgjegjësinë e kryetarit të Komunës, për çka mëzi pres të nisim angazhimet për punë të mëdha që na presin”, shkruan ai.

Ndryshe, Fadil Nura nga PDK-ja ka fituar garën pa balotazh në komunën e Skenderajt më 17 tetor.

​Zgjedhjet në Skenderaj, Fadil Nura merr shumicën e votave nga diaspora ​Zgjedhjet në Skenderaj, Fadil Nura merr shumicën e votave nga diaspora

Ai siguroi 57.99 për qind të votave, përballë Bekim Jasharit me 40.64 për qind. /Telegrafi/