Ewan McGregor falënderon edhe gruan edhe dashnoren në Golden Globes (Video)

Aktori skocez, Ewan McGregor, fitoi Globin e Artë për rolin e tij në serialin “Fargo”, në edicionin e sivjetme të ceremonisë së ndarjes së çmimeve, Golden Globes.

Mirëpo, ajo që tërhoqi vëmendje në momentin e marrjes së çmimit ishte falënderimi i tij.  56-vjeçari e falënderoi gruan e tij, Eve Mavrakis, por nuk harroi ta falënderonte edhe dashnoren.

“Dua të falënderoj Eve, e cila qëndroi pranë meje për 22 vite dhe fëmijët e mi, Clara, Esther, Jamyan dhe Anouk, ju dua”, është shprehur aktori, i cili kishte shkuar i pashoqëruar në ceremoni.

Lexo po ashtu 'Golden Globes 2018', lista e plotë e fituesve

Ndërsa më pas gjatë fjalimit e falënderoi edhe dashnoren e tij, aktoren Mary Elisabeth Winstead.

“Gjithmonë më ka pëlqyer fakti se jam aktor, sepse kam pasur mundësinë të shoqërohem dhe të punojë më aktorë kulmorë, ndërsa roli në serialin ‘Fargo’ nuk do të ishte ma Davidin, Michaelin, Carrie Coonin dhe natyrisht pa Mary Elizabeth Winstead. Prandaj, ju falënderoj”, ka theksuar ai më tej.

McGregor është njoftuar me 33-vjeçaren pikërisht gjatë xhirimeve të serialit “Fargo” dhe ka nisur një lidhje ndërkohë që është i martuar me Mavrakis.

Ai ka vendosur ta braktisë gruan e tij, me të cilën ka qenë i martuar për 22 vite dhe ka katër fëmijë.

Menjëherë pas kanë shpërthyer komentet në rrjetet sociale, pasi përdoruesit nuk kanë mundur ta kuptojnë se si në të njëjtin fjalim e ka përfshirë gruan, fëmijët dhe dashnoren. /Telegrafi/