Evertoni mposht Arsenalin duke rikthyer rezultatin (Video)

Evertoni ka shënuar fitore me rezultat 2-1 përballë Arsenalit.

Arsenali e nisi më mirë takimin. Ishte Alexis Sanchez që shënoi në minutën e 20-të për 1-0.

Ai gjuajti fuqishëm nga goditja e dënimit, por topi u devijua nga një mbrojtës dhe përfundoi në rrjetë.

Evertoni u hodh në sulm për të kërkuar golin e barazimit.

Atë e gjeti vetëm në minutën e fundit të pjesës së parë, ku Seamus Coleman shënoi për 1-1.

Pjesa e parë u mbyll me këtë rezultat, ndërsa lojtarët duke shkuar në zhveshtore patën edhe një kacafytje ku u përfshi edhe Granit Xhaka.

Lexo po ashtu Ozil kacafytet në hyrje të tunelit me lojtarët e Evertonit, Xhaka i del në ndihmë (Video)

Pjesa e dytë nisi natyrisht më mirë për Arsenalin.

Topçinjtë kishin një rast të mirë me Mesut Ozilin, por që nuk qëlloi portën.

Provoi edhe Iwobi por edhe ai gjuajti jashtë portës.

Kur të gjithë pritën një barazim në skenë doli Ashley Williams i cili me një gjuajtje të fortë me kokë shënoi për 2-1.

Arsenali provoi në minutat e mbetur, por nuk kishte sukses. Arsenali mbetet iu dyti me 34 pikë, tri më pak se Chelsea.  /Telegrafi/

https://twitter.com/ArsenalsNews/status/808765701402005504

https://www.youtube.com/watch?v=ya-095q1a2I&feature=youtu.be&a

http://www.dailymotion.com/video/x556gc4_ashley-williams-goal-everton-2-1-arsenal-pl-13-12-2016_sport