Edon Zhegrova është në nga lojtarët kryesor te Lille këtë sezon dhe këtë e ka konfirmuar edhe trajner i tij Bruno Genesio, duke shtuar se ka ende mundësi që ylli i Kosovës të përmirësohet.
Zhegrova është në mesin e lojtarëve që vlerësohen shumë te Lille për sukseset këtë vit, ndërsa ai në edicionin aktual ka zhvilluar 19 ndeshje, ku ka shënuar tetë gola ndërsa i ka edhe dy asistime.
Ai mungoi në ndeshjen e fundit në udhëtim te Montpellieri, ku skuadra tij mori një barazim (2-2).
“Ai është lojtar i talentuar, i cili është në gjendje ta bëj dallimin në çdo periudhë të ndeshjes. Kam marrëdhënie të mirë me të dhe ai mendon se mund të përmirësohet në vazhdimësinë e ndeshjeve të mira. Ai duhet që të jetë i mirë në çdo ndeshje dhe mendon se mund të përmirësohet në këtë aspekt”, ”, ka thënë fillimisht Genesio për mediumin Europe 1.
Zhegrova ka shënuar ndaj skuadrave si Fenerbahçe, Slavia Praga, Atletico Madrid, Paris Saint-Germain, Strasbourgu e Rennes, ndërsa ka asistuar ndaj Juventusit e Le Havres.
Një gol e ka shënuar edhe me Kosovën në Ligën e Kombeve, atë ndaj Lituanisë.
“Ai është faktor sepse është në gjendje të shënojë gola të jashtëzakonshëm, ashtu siç ka bërë në kupat evropiane, sidomos në ato të playoffit. Është i dashur për të gjithë dhe është integruar shumë mirë te skuadra e Lillet”, nënvizoi Genesio.
Në sezonin e shkuar, Zhegrova kishte 12-të gola të shënuar, derisa dhuroi edhe 10 asistime te Lille. /Telegrafi/
