A është ky organizatori kryesor i masakrës në Stamboll? (Foto)

Një kryekomandant i armatosur çeçen është emëruar si organizatori prapa masakrës që ndodhi në aeroport të Stambollit.

Akhmed Chataev thuhet të jetë koka e tre sulmeve vdekjeprurëse që ndodhën në aeroportin Ataturk ditën e së martës, kjo sipas medieve turke, shkruan Dailymail, transmeton lajmi.net.

Kryekomandanti çeçen është rritur për t’u bërë komandant i ISIS-it, me të paktën 130 militantë në dispozicion të tij, ku sipas burimeve të sigurisë ai kishte krijuar qelizat terroriste të dërguara në Rusi.

Kjo deklaratë erdhi pasi dolën pamje ku tre sulmues me bomba u panë duke qeshur së bashku disa momente para se të kryejnë masakrën vdekjeprurëse ku lanë 42 të vdekur, dhe qindra të lënduar.

Burimet e sigurisë thonë se që të tretë kanë ardhur nga vende të cilët kanë qenë nën kontroll të Bashkimit Sovjetik dhe ndoshta kanë qenë pjesë e qelizës ruse terroriste të ISIS-it.

Chataev mendohet të ketë kthyer fokusin e vet drejt të rinjve nga familjet e emigrantëve të cilët – ç’është më e rëndësishmja mbajnë pasaporta të Bashkimit Evropian.

Sipas Këshillit të Sigurimit të Kombeve të Bashkuara, Chataev tani kontrollon 130 militantë ISIS.