A është ky aeroplani më i shpejtë për transportimin e pasagjerëve nëpër botë? “I biri i Concordit” lëvizë me shpejtë supersonike

Udhëtimi supersonik dhe shumë i shkurtër po rikthehet, e kreu i aviokompanisë që qëndron prapa “të birit të Condordit”, thotë se qëllimi i tij është arritja në çdo cep të botës brenda katër orëve.

Kjo fluturake mund të arrijë shpejtësinë prej 2.092 kilometra në orë, dhe është dyfishë më i shpejtë sesa çdo aeroplan më i shpejtë komercial, transmeton Telegrafi.

Kjo do të thotë se koha e udhëtimit nga Miami drejt Londrës do të mund të shkurtohej nga 8 orë e 45 minuta sa ishte më parë në vetëm 5 orë – e nga New Yorku drejt Londrës nga 6 e 30 minuta në vetëm 3 e 30.

Blake Shole, drejtor ekzekutiv i kompanisë Boom Supersonic, gjithashtu pretendon se kjo do të nënkuptonte që Jet-leg është futur në histori, pasi pasagjerët mund të tejkalojnë pa problem çfarëdo ndryshimi kohor.

“Nëse fluturimi nga San Francisco drejt Tokios është shkuar nga 12 orë në vetëm 6, mund të niseni edhe më vonë pa pasur nevojë të nguteni”, shtoi Shole.

Boom Supersonic pretendon se ka pranuar porosi në vlerë prej 6 miliardë dollarëve, ku Virgin Atlantic i ka kërkuar dhjetë aeroplanë në vitin 2016, derisa United Airlines i kërkoi 15 vitin e kaluar.

Concord ishte aeroplani i fundit supersonik që u fut në përdorim në vitin 1976 dhe përfundoi punën në fund të 2002.

Fluturakja Overture do të pranojë nga 65 deri më 80 pasagjerë – që të gjithë të shpërndarë në ambiente të ndryshme nga ai biznes klas – që do të thotë se ulëset e mesme do t’i takojnë së kaluarës. Një biletë nga New Yorku do të kushtoj 2 mijë dollarë. /Telegrafi/