Ernest Muçi shkëlqen me dy gola në fitoren e Legias

Ernest Muçi ka shënuar dy herë në fitoren e Legia Varshavës ndaj Widzew Lodz që u mbyll 3-1.

Sulmuesi i kombëtares shënoi në minutën e gjashtë të takimit teksa shfrytëzoi në maksimum një pasim nga portieri i tij.

I gjendur përballë portës kundërshtare, ish-futbollisti i Tiranës nuk fali dhe shënoi një gol të bukur.

https://twitter.com/FootColic/status/1698360572075536696

Në pjesën e parë, miqtë barazuan shifrat, por ishte Muçi që kaloi në avantazh ekipin e tij.

Sulmuesi realizoi një gol mjaft të bukur teksa me një goditje teknike e dërgoi topin në cepin e portës pa i lënë mundësi reagimi portierit kundërshtar (2-1).

https://twitter.com/FootColic/status/1698384281997811788

Këto ishin dy golat e parë për Ernest Muçin në kampionatin polak, teksa më parë 22-vjeçari kishte realizuar vetëm në kualifikueset evropiane.

Këto gola të Muçit janë një sinjal pozitiv edhe për trajnerin e kombëtares Sylvinho në prag të ndeshjeve kualifikuese të Shqipërisë ndaj Çekisë dhe Polonisë. /Telegrafi/