Enca injoron keq Noizyn në emision, zgjedh Muharrem Ahmetin para tij: Si mund të zgjedhësh një portret bardhë e zi kur ke atë me ngjyra

Këngëtarja e njohur, Enca Haxhia, ka qenë së fundmi e ftuar në emisionin “Xing me Ermalin”.

Ajo ka rrëfyer shumë detaje nga jeta dhe karriera e saj, gjersa në një moment është vënë para një loje interesante nga moderatori i emisionit, Ermal Mamaqi.

Këngëtarja nga Shqipëria duhej të zgjidhte mes dy portreteve që Ermali i prezantonte, duke treguar se cilin personazh mes dy të prezantuerve e ka më shumë qejf.

Lexo po ashtu Të gjitha lajmet nga Estrada Shqiptare

Në momentin që Ermali shfaqi portretin e Noizyt dhe të këngëtarit Muharrem Ahmeti, Enca zgjodhi këtë të fundit.

“Si mund të krahasosh një portret bardhë e zi me një me ngjyra? Normal që do zgjedh atë me ngjyra”, është shprehur këngëtarja, duke treguar se Muharremin e vë para Noizyt.

Kujtojmë që me reperin, Enca vite më parë kishte pasur një konflikt virtual i cili ishte diskutuar shumë në media.

“Goca ju e dini që ne shquhemi për besnikëri ndaj atyre që janë besnik kështu që Muharremi e ka treguar veten”, ka thënë më tej Enca duke treguar se Noizy nuk është treguar aq besnik sa duhet ndaj saj.

Përndryshe, këngëtarja ka bashkëpunuar me secilin prej tyre – “Hajde” mban titullin kënga e saj e fundit të cilën e solli me Muharremin, teksa bashkëpunimin “Bow Down” me Noizyn e kishte publikuar shumë kohë më parë. /Telegrafi/