Emri që mund ta ketë BMW 2 Series, tregon për fuqi dhe përformancë të lartë (Foto)

Me këtë rast, konfirmohet se do ketë gjeneratë të dytë dhe nuk do të largohet nga prodhimi

Kohëve të fundit, ka pasur lajme se BMW 2 Series nuk i ka plotësuar pritjet, duke bërë që të largohet tërësisht prej prodhimit dhe të mos ketë gjeneratë të dytë, transmeton Telegrafi.

Por, modeli i ri që do të lansohet brenda dy vitesh, do të përfshijë të dy pakot M2 dhe M2 Competition, vetëm se nuk pritet ta mbajë emrin 2 Series. Shefi i zhvillimit të prodhimit në BMW, Klaus Frohlich ka bërë të ditur për mediat, se edhe më tutje do të vazhdojë të tërheqë me rrotat e pasme.

‘Drift machine’ me të cilën emërohen makinat e fuqishme dhe me sistem të lart pezullimi, pritet të jetë emri që do ta mbajë 2 Series. “Dua ta shoh një makinë si bishë, që rrëshqet nëpër tokë dhe zë kthesa me shkathtësi të lartë. Duhet të bëhet më shumë” ka thënë Frohlich.

Ekspertët konsiderojnë se me këto detaje, mjaftojnë që të nënkuptohet se BMW 2 Series, apo me çfarëdo emri tjetër që do jetë, ka shpejtësi të lartë dhe shumë performancë. /Telegrafi/