Emisioni i ndryshimeve "Metamorfoza" nga Suzana, ka sjell për shikuesit episodin e parafundit të sezonit të parë.
Ky episod ka qenë ndryshe dhe më i veçantë se herët tjera, kjo për faktin se protagoniste ka qenë një maturante, e cila sapo ka përfunduar studimet në shkollën e mesme.
Azize Koçi nga Klina, 18 vjeçe, kishte vendosur të sfidonte veten me një ndryshim në emisionin "Metamorfoza", kjo edhe për faktin se pak ditë më parë ajo kishte edhe mbrëmjen e maturës.
Fillimisht, moderatorja e emisionit, Suzana bashkë me të ftuarën vizituan klinikën për rregullimin e dhëmbëve, nga ku dentistja e angazhuar për këtë punë u kujdes që t'i ofrojë asaj shkëlqimin e duhur në dhëmbët e saj.
Më pas, ato u drejtuan në atelien e stilistes Enkelejda Shatri për të përzgjedhur fustanin ideal për mbrëmjen e maturës.
Pas përzgjedhjes së veshjes, radha ishte për dorën e fundit të "Metamorfozës", e cila iu besua grimeres Sellma dhe floktarit Kaci.
Në fund të programit, Azizja kishte marrë pamje krejt tjetër, dhe dukej më se e lumtur me ndryshimin e saj.
Çastet më emocionuese janë ato në fundin e emisionit, kur Azizja u prezantua te prindërit e saj, të cilët nga lumturia dhe emocionet e tepërta filluan të qajnë kur panë ndryshimin e më të dashurës së tyre.
Azizja u shoqërua për në mbrëmjen e maturës me një limuzinë, teksa është përshëndetur me shumë dashuri nga moderatorja e programit, Suzana Mushkolaj. /Telegrafi/
