Elizabeth Hurley shpjegon pozat me bikini në moshën 55 vjeçare

Fansat e aktores britanike, Elizabeth Hurley, e kanë vërejtur se bukuroshja ruan një prezencë intensive në rrjetet sociale, duke postuar shpesh fotografi me bikini ose edhe më provokuese, në sfonde nga më të ndryshmet, që prej plazheve deri tek ato nga kopshti i saj në ditë dimri.

Sipas 55-vjeçares, imazhet pikante nuk janë thjesht një zbavitje, por për të promovuar linjën e saj të rrobabanjove – transmeton Top Channel.

“Unë dizajnoj linjën time të veshjeve të plazhit. Nuk është se e kam vetëm për zakon të sillem rrotull me bikini ose veshje banje, ka një arsye të saktë që e bëj këtë”, është shprehur ajo.

View this post on Instagram

A post shared by Elizabeth Hurley (@elizabethhurley1)

Duke përmendur pandeminë COVID-19, ajo shton: “Prej pandemisë ne nuk jemi lejuar të shkojmë me pushime prej gati 14 muajsh … kjo më ka dëmtuar, se unë zotëroj një linjë rrobabanjosh në një kohë kur nuk lejohemi të shkojmë në plazh … kështu që mundohem të shes atë që mundem, dhe jemi duke u përmirësuar”.

“Po, kam pozuar në mullarë kashte me rroba-banje, në dëborë, madje edhe në dush. Nganjëherë njerëzit bëhen të ligë me gratë, dhe nuk besoj se njerëzit duhet të sillen kështu. Ka shumë komente që nuk më pëlqejnë”, ka shtuar modelja e dashur për publikun britanik.