Ekonomi Marketing

Zbulohen emrat e folësve në konferencën ‘Diaspora Flet’

Para 2 vitesh

Këtë vit panelit i janë bashkangjitur emra të shquar të lëmive të ndryshme por me një bagazh të pasur si: Presidentja e Republikës së Kosovës, Dr.Vjosa Osmani Sadriu, Mike Bailey, Mirela Sulo, Avni Mustafaj, Anila Hyka Smorgrav, Hilmi Gashi, Melek Pulatkonak dhe Vartan Marashlyan.

Më 18, 19 dhe 20 maj 2023, Germin organizon edicionin e tretë të konferencës më të madhe të diasporës shqiptare, konferencën “Diaspora Flet” në Prishtinë.

Dr.Vjosa Osmani Sadriu (Folëse kryesor) Ka diplomuar në Fakultetin Juridik në Universitetin e Prishtinës. Ka kryer studimet Master dhe Doktoraturë në Universitetin e Pitsburgut në Pensilvani, SHBA. Ajo u zgjodh deputete e Kuvendit të Republikës së Kosovës në katër mandate duke u bërë kështu dhe politikania e dytë më e votuar në zgjedhjet parlamentare në Kosovë. Me kohën gruaja më e votuar në historinë e zgjedhjeve parlamentare arriti të zgjidhet gruaja e parë Kryetare e Kuvendit të Republikës së Kosovës pozitë kjo që pas disa muajsh ndyrshoi duke u bërë Ushtruese e Detyrës së Presidentit të Republikës së Kosovës. Sot Znj.Osmani gëzon pozitën e saj si Presidente e Republikës së Kosovës. Ajo poashtu është anëtare e Bordit të Rrjetit Parlamentar të Bankës Botërore dhe Fondit Monetar Ndërkombëtar dhe anëtare e Komitetit Drejtues të deputetëve të rinj të Bankës Botërore dhe FMN-së.

Mike Bailey (Folës kryesor) Ai filloi karrierën e tij për mbledhjen e fondeve në Australi si Drejtor i një fushate lokale, pas kësaj, si Drejtor Rajonal Ndërkombëtar, ai ishte përgjegjës për fushatat e mbledhjes së fondeve me ekipet profesionale. Për 12 vitet e fundit, ai ka mbajtur pozicionin e Drejtorit të Zhvillimit. Si pjesë e përgjegjësisë së tij për marketing.. Ai ka një diplomë juridik në Universitetin Hebraik në Jeruzalem dhe ka punuar si avokat në sektorin e biznesit. Ai mban Master (me Nderime) në zhvillimin organizativ, i specializuar në organizatat e Sektorit të Tretë (jofitimprurëse).

Mirela Sulo (Folëse kryesore) Mirela Sula është CEO dhe Themeluese e Global Woman Magazine dhe Global Woman Club. Mirela ka punuar në media dhe arsim për 20 vitet e fundit dhe ka përvojë në të folur nga e gjithë bota. Sfondi i saj është në psikologji dhe këshillim, gazetari, mësimdhënie, stërvitje, të drejtat e grave dhe trajnime në media. Libri i saj i fundit për vetëndihmë “Mos e lër mendjen të shkojë” ishte një best seller dhe u botua gjithashtu në Amerikë dhe Turqi. Së fundmi ajo mori çmimin “The Icon 2023” në mesin e personazheve të famshëm në Mbretërinë e Bashkuar.

Melek Pulatkonak (Folëse) Melek është një këshilltare, folëse, mendimtare e sistemeve dhe sipërmarrëse. Ajo ka mbi 25 vjet përvojë në ndërtimin dhe drejtimin e bizneseve në Shtetet e Bashkuara dhe Turqi.

Melek është Themeluesja e Rrjetit Ndërkombëtar të Grave Turke (TurkishWIN). Ajo është një nga udhëheqëset e besuara të mendimit për fuqizimin e grave në Turqi, një folëse 5 herë në TEDx dhe i është kërkuar të prezantojë në Samitin Global të Diasporës dhe Samitin e Financial Times.

Ajo është një studente e përjetshme, një TEDster, dhe është gjithnjë e më e fiksuar pas sigurisë psikologjike. Melek ka një MBA nga Columbia Business School dhe një B.Sc. diplomë nga Shkolla e Ekonomisë dhe Shkencave Politike në Londër. Ajo është e diplomuar në St. Georges-Kolleg në Stamboll.

Anila Hyka Smørgrav (Folëse) sjell përvojën ndërkombëtare prej mbi 25 vjetësh në mjedise të ndryshme shoqërore dhe ekonomike. Ajo është e specializuar në sektorin e telekomit dhe IT, menaxhimin e projekteve dhe negocimin e kontratave, menaxhimin e transaksioneve, strategjitë e transformimit dixhital të ndërmarrjeve duke përfshirë zhvillimin e produkteve të reja.

Avni Mustafaj (Folës) gjatë gjithë jetës ka pasur një dedikim për çështjen kombëtare të shqiptarëve. Organizata ku Z. Mustafaj ka dhënë kontributin e tij përmes kapaciteteve të ndryshme dhe si kryetar gjithashtu tek “Këshilli Kombëtar Shqiptaro Amerikan – NAAC”. Ka udhëhequr delegacionin amerikan të kongresmenëve dhe anëtarët e Bordit në Samitin e Rambujesë, Francë më 1999. Ndër aktivitetet e tjera është takimi me ish-Presidentin e Shteteve të Bashkuara të Amerikës, z. Bill Clinton në Shtëpinë e Bardhë në mënyrë që të bëjë strategjinë në sensibilizimin e publikut amerikan mbi Kosovën.

Hilmi Gashi (Folës) është profesionist me karrierë tipike të një emigranti. Fillimisht kishte punuar si piktorë, dhe më pas si përkthyes dhe zyrtarë në një radio lokale. Pasi u largua nga radio RaBe, ai filloi punën për Kryqin e Kuq të Zvicrës, dhe nga viti 2005 z. Gashi ka qenë pjesë e sindikatës UNIA. Në zgjedhjet e mbajtura më datë 25.10.2020 për Asamblenë e Komunës në Muri-Gümligen, z. Gashi ka arritur ta fitojë mandatin si asambleist në kuadër të Partisë së Gjelbër (GPS), e cila do të përfaqësohet nga gjithsej 5 asambleistë në këtë komunë. Përtej karrierës profesionale Z. Gashi është një vullnetarë aktiv i diasporës shqiptare.

Vartan Marashlyan (Folës kryesor) – lindi në Jerevan dhe u kthye në Armeni në vitin 2010 pasi jetoi jashtë vendit për më shumë se 25 vjet. Ai u bë Bashkëthemelues dhe Drejtor Ekzekutiv i Fondacionit Repat Armenia – një organizatë joqeveritare dhe jo-tregtare që synon të promovojë riatdhesimin me ndikim të madh në Armeni, si dhe të angazhojë armenët e diasporës me atdheun. Para krijimit të Repat Armenia, ai ishte Zëvendës Ministër i Diasporës. Vartan mban doktoraturën në ekonomi. Ai është lektor kursi dhe ekspert i marrëdhënieve diasporë-shtet duke u fokusuar në përvojën ndërkombëtare të marrëdhënieve shtet-diasporë, politikat e riatdhesimit dhe integrimit dhe identitetin armen.

Konferenca pritet të ketë mbi 400 pjesëmarrës gjatë tre ditëve. Përveç të ftuarve, konferenca do të jetë e hapur për publikun dhe të interesuarit duhet të regjistrohen paraprakisht.