Edhe Marseille e Atletico Madridi sigurojnë kualifikimin, kompletohen katër gjysmëfinalistët e Ligës së Evropës

Marseille dhe Atletico Madrid janë dy skuadrat tjera që kanë siguruar kalimin në gjysmëfinale të Ligës së Evropës.

Liga e Evropës tani ka mësuar katër skuadrat gjysmëfinaliste të garës së dytë me të rëndësishme për klube në kontinentin e vjetër.

Pas Arsenalit që eliminoi CSKA Moskën dhe RB Salzburgut që bëri befasinë duke eliminuar Lazion, tani kalimin e kanë siguruar edhe Marseille dhe Atletico Madrid.

Lexo po ashtu Arsenali barazon në udhëtim te CSKA, por kalon në gjysmëfinale falë fitores së thellë në Emirates

Lexo po ashtu Berisha dhe Salzburgu në histori, me rikthim fantastik eliminojnë Lazion dhe sigurojnë gjysmëfinalen e Ligës së Evropës

Skuadra franceze ka fituar në shtëpi ndaj RB Leipzig me rezultat të thellë 5-2, duke u kualifikuar me rezultat përfundimtar 5-3, pasi në takimin e parë humbën 1-0.

Golat në këtë ndeshje për Marseille u shënuan nga Stefan Ilsanker (OG, 6′), Bouna Sarr (9′), Florian Thauvin (38′), Dimitri Payet (60′) dhe Hiroki Sakai (90+), ndërsa për gjermanët shënuan Bruma (2′) dhe Jean-Kevin Augustin (55′).

Për dallim nga Marseille, Atletico Madridi humbi në ndeshjen e dytë ndaj Sporting Lisbonës me rezultat minimal 1-0.

Megjithatë, fitorja në takimin e parë me rezultat 2-0 ia siguroi kualifikimin me rezultat përfundimtar 2-1.

Goli i vetëm në këtë ndeshje u shënua nga Fredy Montero (28′). /Telegrafi/