Edhe Kovaçevski pajtohet se disa raste gjyqësore zvarriten

“Letra e ambasadores amerikane Aggeler është dërguar kudo që është e nevojshme. Qeveria ofron kushte për funksionimin e gjykatave, në fushën e dhënies së buxhetit, në fushën e propozimit të zgjidhjeve ligjore, të cilat më pas avancojnë praktikën gjyqësore. Kod i ri penal, ligje të reja të përgatitura për rinumërimin e gjyqtarëve dhe prokurorëve, por janë të bllokuar në Kuvend”.

Këtë e tha sot kryeministri Dimitar Kovaçevski, duke folur në lidhje me letrën e ambasadores amerikane Angela Aggeler drejtuar Gjykatës së Apelit. Kryeministri Kovaçevski pajtohet se se lëndë të caktuara gjyqësore po zvarriten.

“Procedura shkon duke u kthyer në instancat më të ulëta në disa raste dhe këto janë çështje për gjyqtarët që punojnë dhe për ata që menaxhojnë punën e gjyqtarëve”, shtoi Kovaçevski.

Lexo po ashtu Ambasadorja amerikane në Shkup e zhgënjyer me paaftësinë e Gjykatës së Apelit

Ambasadorja amerikane në vend, Angela Aggeler, shprehet e shqetësuar dhe e zhgënjyer nga numri i madh i lëndëve të cilat Gjykata e Apelit i kthen për rigjykim.

Letra i referohet kryesisht rasteve për të cilat opinioni është shqetësuar e që ndërlidhen me gjykimet ndaj ish funksionarëve të cilët kanë shpërdoruar detyrat zyrtare dhe kanë dëmtuar buxhetin e shtetit.

Letra me përmbajtjen e njëjtë përveç Qeverisë (kryeministrit) i është dërguar edhe ministrave Krenar Lloga dhe Bujar Osmani, Gjykatës Supreme, Gjykatës së Apelit dhe disa gjykatave të tjera themelore./Telegrafi/