Ed Sheeran është fejuar në fshehtësi

Ed Sheeran ka bërë të ditur se është fejuar me partneren e tij, Cherry Seaborn.

Këngëtari e ka bërë publik hapin e rëndësishëm në jetën e tij përmes një postimi në rrjetet sociale.

“Ia bëra vetes një të fejuar para Vitit të Ri. Jemi të lumtur dhe të dashuruar…”, ka shkruar 26-vjeçari në Instagram.

https://www.instagram.com/p/BeLG5CBlLYw

Postimin e ka shoqëruar me një fotografi, në të cilën shfaqet duke e përqafuar të fejuarën e tij.

Lexo po ashtu Për çdo rast, Ed Sheeran e ka gati këngën për James Bondin (Video)

Sheeran i kishte propozuar Cherryt në fund të vitit të kaluar, mirëpo ka preferuar që lajmin për fejesën ta mbajë të fshehur deri më tani.

Ylli britanik numëron afro 19 milionë ndjekës në Instagram, ndërsa postimi i tij është pëlqyer nga më shumë se 1.6 milion ndjekës, brenda një ore.

Ed dhe Cherry janë takuar gjatë shkollës në “Thomas Mills High School” në Framlingham të Suffolkut, kurse lidhja e tyre ka filluar në vitin 2015.

Këngëtari qe një kohë ka paralajmëruar se lidhja e tij është serioze dhe mund të kurorëzohet me martesë dhe ai është duke shkuar kësaj rruge. /Telegrafi/