E madhe dhe e errët: YSL-ja ka një çantë të re hit për këtë fundvit

Markat propozojnë vazhdimisht disa ide të reja që më pas përcaktojnë të gjithë skenën e modës, shumë janë frymëzuar prej tyre

Kjo është arsyeja pse YSL-ja ka një çantë të re hit që me siguri do të lërë gjurmë në botën e aksesorëve të modës.

Lajmi se YSL-ja ka një çantë të re hit ka kuptim – në fund të vitit është mirë të keni një atu, që më pas do të hapë ndonjë trend.

Tani po flasim për një krijim të madh, një Bea Bag i gjerë i bërë prej lëkure të errët.

Dizajni është propozuar nga drejtori kreativ i YSL-së, Anthony Vaccarello, një autor që vlerëson historinë e kësaj marke të madhe franceze dhe është i prirë më shumë për dizajn më praktik.

Vula e markës është gjithashtu e fortë, pra logoja është në fokus të dizajnit, transmeton Telegrafi.

E zeza gjithsesi është e preferuara e shtëpisë së modës YSL dhe linjat e pastra dhe elementet luksoze janë pjesë e historisë së saj të modës.

– Silueta e relaksuar ka një dizajn minimal dhe krijimi përcaktohet nga logoja dalluese e çantës Cassandra – u njoftua.

Gjithashtu ka një dizajn inovativ, nga brenda ka lidhëse që ju lejojnë të ndryshoni pamjen, domethënë çanta duket më e ngushtë. Është prej lëkure dreri të butë dhe çmimi në ysl.com është 2890 euro.

Nuk ka dyshim se ky është një nga yjet e sezonit, sepse ka një sërë avantazhesh – është e shkëlqyeshme për qytet, por edhe për udhëtime, është mjaft e gjerë dhe e butë, gjithashtu ka një logo që shumë e pëlqejnë. YSL është një nga markat që specializohen në logomani.

YSL është një nga markat e preferuara franceze të modës, Yves Saint Laurent, i cili vdiq në vitin 2008. Ai pati një ndikim të madh në botën e modës, nga vitet shtatëdhjetë të shekullit të kaluar deri në këtë mijëvjeçar. /Telegrafi/