E kryer, Liverpooli pranon ofertën e Barçës për Coutinhon

Mediat në Angli raportojnë se Liverpooli është pajtuar për ta shitur Philippe Coutinho në Barcelonë për shifrën e 142 milionë funteve apo 160 milionë eurove.  

Sipas Liverpool Echo, transferimi pritet të konfirmohet në 24 orët e ardhshme, ndërsa braziliani do të fluturojë në Spanjë sot (e shtunë) në mbrëmje për të përfunduar formalitetet.

Tarifa për 25-vjeçarin është plot 160 milionë  euro apo 142 milionë funte.

Lexo po ashtu Mbyllet marrëveshja, Coutinho te Barcelona për 160 milionë euro

Liverpooli do të marrë fillimisht 105 milionë funte para të gatshme, ndërsa pjesa tjetër do të lidhet me bonuset në bazë të performancës.

Kjo do të bëjë Coutinhon lojtarin e dytë më të shtrenjtë në histori, pas Neymarit, dhe i jep fund një sagë të gjatë dhe shpesh të rrënuar nga Redsat.

Liverpooli hodhi poshtë një numër ofertash nga Barcelona në afatin e verës, ku qëndrimi i tyre ishte se lojtari nuk ishte për shitje.

Klubi qëndroi i fortë edhe përkundër një kërkese transferimi, të paraqitur në prag të sezonit të Ligës Premier. Coutinho u kthye në veprim në shtator, pasi u mohua lëvizja e tij e ëndrrave dhe u përgjigj me ndeshje të mira.

Lexo po ashtu Tri mënyrat se si mund të luajë Barcelona me Coutinhon në formacion (Foto)

Megjithatë, dëshira e tij për të shkuar në Barça nuk lëvizi kurrë. Liverpool ishte i etur të mbante yllin e tyre deri në fund të sezonit, por kampi i Coutinho bëri të qartë se ata donin një marrëveshje të menjëhershme dhe kjo u bë.

Coutinho thuhet se do të marrë pjesë në ndeshjen e Barcelonës me Levanten të dielën dhe mund të bëjë debutimin e tij për katalunasit të mërkurën kundër Celta Vigos. /Telegrafi/