E konfirmon edhe Heerenveen, Arber Zeneli udhëton drejt Francës për të nënshkruar me Reims

Arber Zeneli do ta vazhdoj karrierën e tij në Ligue 1.

Sulmuesi i Përfaqësueses së Kosovës ka udhëtuar drejt Francës për të nënshkruar me skuadrën Reims.

Lajmi i publikuar para një ore nga Telegrafi është konfirmuar edhe nga skuadra aktuale e Zenelit, Heerenveen.

Klubi holandez ka konfirmuar se Zeneli ka udhëtuar drejt Francës për të bërë testet mjekësore dhe për të diskutuar kontratën me klubin Reims.

Heerenveeen ka njoftuar se i ka dhënë leje për tu larguar Zenelit që të diskutojë kontratën me ekipin bardh e kuq nga Ligue 1.

Nëse lojtari arrin një marrëveshje përfundimtare me Reims, atëherë ai do t’i bashkohet ekipit francez gjatë afatit kalimtar të janarit.

Lexo po ashtu Ekskluzive: Zeneli arrin marrëveshje me skuadrën franceze Reims, transferimi mund të dështojë vetëm nëse vjen një ofertë më e lartë nga një klub tjetër

Kjo nënkupton që Reims ka pranuar të paguajë dëmshpërblim për sulmuesin e Përfaqësueses së Kosovës.

🗞| Arber Zeneli zet zijn carrière mogelijk voort in de Ligue 1. De aanvaller heeft toestemming om af te reizen naar Frankrijk en te onderhandelen over een contract met Stade de Reims. Wanneer club en speler tot een akkoord komen, vertrekt Zeneli deze winter uit Friesland. pic.twitter.com/FeRpzFM4ws

— sc Heerenveen (@scHeerenveen) January 25, 2019

Zeneli ka shkëlqyer këtë edicion me Heerenveenin duke shënuar katër gola dhe duke dhuruar 11 asistime.

Galatasaray, Fenerbahce, Trabzonspor, Basel, Genoa e Chelsea ishin të interesuara për lojtarin nga Mitrovica. /Telegrafi/