I dyshuari në sulmin me kamion në Berlin që vrau 12 persona dhe plagosi 48 të tjerë, e ka mohuar çdo përfshirje në këtë rast, tha ministri i Brendshëm i Gjermanisë.
Thomas De Maiziere tha se "mbase ai erdhi nga Pakistani", por kërkesa e tij për azil nuk kishte përfunduar.
Kancelarja gjermane Angela Merkel tha se do të ishte "veçanërisht e pështirë", nëse provohet se prapa sulmit ishte një refugjat, citon BBC mediat gjermane.
I dyshuari ishte kapur në një park 2 km larg tregut të Krishtlindjeve në perëndim të Berlinit.
Merkel ka premtuar se do t’i ndëshkojë ata që janë përgjegjës për sulmin Berlinit, transmeton KosovaPress.
