Dy të vrarë dhe tetë të plagosur nga të shtënat në një stacion autobusi në Jerusalem – publikohen pamjet që tregojnë momentin e sulmit

Dy sulmues palestinezë thuhet se hapën zjarr në një stacion autobusi gjatë orës së pikut të mëngjesit në hyrje të Jerusalemit të enjten, duke vrarë të paktën dy persona dhe duke plagosur tetë të tjerë, tha policia izraelite.

“Dy terroristë mbërritën në vendngjarje me një automjet të armatosur me armë zjarri, këta terroristë hapën zjarr ndaj civilëve në stacionin e autobusëve dhe më pas u neutralizuan nga forcat e sigurisë dhe një civil aty pranë”, tha policia izraelite, shkruajnë mediat e huaja, përcjell Telegrafi.

Sulmuesit erdhën nga Jerusalemi Lindor, u tha gazetarëve në vendngjarje komandanti i qarkut të policisë së Jerusalemit, Doron Turgeman.

Surveillance camera footage shows the shooting attack at the entrance to Jerusalem this morning. Two people were killed, and at least seven others were hurt. Two off-duty soldiers and an armed civilian shot the terrorists dead. pic.twitter.com/CwucVb5IV7

— Emanuel (Mannie) Fabian (@manniefabian) November 30, 2023

Një numër i madh ambulancash dhe policie u mblodhën në rrugën që ishte e mbushur me njerëz që udhëtonin në mëngjes dhe policia tha se po kërkonte në zonë për t’u siguruar që nuk kishte sulmues të tjerë.

Ndërkohë disa pamje të kamerave të vëzhgimit thuhet se tregojnë sulmin me të shtëna në hyrje të Jerusalemi.

Dhuna erdhi pasi Izraeli dhe Hamasi arritën një marrëveshje të minutës së fundit të enjten për të zgjatur armëpushimin e tyre gjashtë-ditor në Gaza me një ditë më shumë për të lejuar negociatorët të vazhdojnë të punojnë për marrëveshjet për shkëmbimin e pengjeve të mbajtura në enklavën bregdetare me të burgosurit palestinezë. /Telegrafi/