LAJMI I FUNDIT:

Dy raketa nga Rripi i Gazës në drejtim të Izraelit

Dy raketa nga Rripi i Gazës në drejtim të Izraelit

Dy raketa janë shkrepur nga Rripi i Gazës në jug të Izraelit, njoftoi ushtria izraelite.

Sipas një raporti nga Jerusalem Post, nuk ka të plagosur dhe nuk pati dëme në zonë.

Raketat u lëshuan disa ditë para njoftimit të mundshëm të hapave të parë të aneksimit të Bregut Perëndimor nga ana e Izraelit.

Qeveria izraelite mund të fillojë të aneksojë zonat në Bregun Perëndimor dhe Luginën e Jordanit në përputhje me planin e presidentit amerikan, Donald Trump për Lindjen e Mesme.

Palestinezët me vendosmëri e kundërshtojnë planin. Sipas mendimit të tyre, ai favorizon Izraelin. Plani është gjithashtu shumë i diskutueshëm ndërkombëtarisht.

Krahu i armatosur i organizatës palestineze Hamas, e cila qeveris Rripin e Gazës, e ka përshkruar çdo aneksim si deklaratë lufte.

Hamasi, konsiderohet si një organizatë terroriste nga ana e Izraelit.

Shumica e botës i konsiderojnë joligjore vendbanimet izraelite në Bregun Perëndimor dhe planet e aneksimit kanë ngritur shqetësime se masa mund të krijojë paqëndrueshmëri në rajon.

Bregu Perëndimor është okupuar nga Izraeli në luftën arabo-izraelite në vitin 1967.

Plani i Trumpit i ofron Izraelit kontroll mbi vendbanimet hebraike në Bregun Perëndimor dhe Luginën strategjike të Jordanit si dhe shpall Jerusalemin si “kryeqytetin e pandarë të Izraelit”.

Dokumenti gjithashtu flet për mundësitë e krijimit të shtetit palestinez me kryeqytet në një pjesë të Jerusalemit lindor, por vendos një seri kushtesh që duhet të përmbushen nga palestinezët.

Palestinezët kanë thënë se ata nuk e konsiderojnë Uashingtonin si një lojtar të paanshëm në konfliktin që po zgjatë me dekada. /REL/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Biden thotë se kombet arabe,

Biden thotë se kombet arabe, "të përgatitura për të njohur plotësisht Izraelin" për herë të parë

Botë
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Kalo në kategori