Dua i viziton refugjatët sirianë në Liban: Ndjej që kam një lidhje personale me ta

Këngëtarja shqiptare me famë botërore, Dua Lipa, ka qëndruan në Bejrut të Libanit, ku i ka vizituar kampet e refugjatëve nga Siria.

Duke qenë vet nga një vend, si Kosova, nga ku u larguan shumë refugjatë në vitet e nëntëdhjeta, 23-vjeçarja ka thënë se ndjen një lidhje personale me refugjatët atje.

“Kam pasur përvojën më të madhe të vetëdijesimit në këto tri ditët e fundit në Liban duke punuar me UNICEF-in, ku jam takuar me fëmijët në kampet refugjate dhe programet për trajnimin e të rinjve dhe për zhvillimin e aftësive”.

https://www.instagram.com/p/BwRinecFtFY/

“Dua të flas në veçanti për refugjatët, sepse ndjej që kam një lidhje personale kur i shoh njerëzit teksa përshtaten në çfarëdo rrethanash që janë vënë për shkak të konflikti”.

Lexo po ashtu Të gjitha lajmet nga Dua Lipa

“Asnjë familje apo fëmijë nuk dëshiron të largohet nga shtëpia e vet. Të gjithë kanë ëndrra. Të gjithë meritojnë barazi dhe një vend ku mund të jetojnë, të mësojnë dhe të arrijnë potencialin e plotë”.

https://www.instagram.com/p/BwRiiccFEUV/

“Unë besoj gjithmonë te fëmijët, sepse ata janë e ardhmja jonë dhe ne duhet të kujdesemi për ta. Ka qenë një përvojë zemërthyese dhe emocionuese, por edhe shpresëdhënëse, pasi i kam parë këta fëmijë duke qeshur dhe duke nxjerrë anën e mirë të kësaj situate të keqe”, ka shkruar mes tjerash Dua në një postim në Instagram. /Telegrafi/

https://www.instagram.com/p/BwRifULFzSH/