Dua Lipa vjen me imazhe të reja atraktive teksa dokumenton qëndrimin në Argjentinë në kuadër të turneut “Future Nostalgia”

Ajo aktualisht është në turne të albumit të saj të dytë “Future Nostalgia”.

Dhe Dua Lipa tregoi shijen e saj të patëmetë të stilit të enjten (15 shtator) në një koleksion të fotografive që ndau me fansat në Instagram nga koha e saj në Argjentinë.

Këngëtarja, 27 vjeçe, ka shfaqur fizikun e saj të tonifikuar e veshur me një palë sytjena me ngjyrë të verdhë që binte në sy, e shoqëruar me një fund të thurur dhe triko.

Dua veshi një palë taka të verdha neoni, ndërsa i përshtati ato me kapele ngjyrë rozë dhe një çantë dore prej lëkurës së gjarprit.

Bukuroshja kishte një grim të lehtë , ndërsa flokët e gjata dhe të zeza i binin mbi supe.

Krijuesja e hitit “Levitating” dukej se po kalonte kohë të mirë në Buenos Aires, teksa shpërndante foto të saj duke ngrënë pica dhe duke pirë verë.

“Ushqim i mirë, verë e mirë, kujtime të mira, faleminderit Buenos Aires”, ka shkruar artistja në mbishkrim.

Ajo gjithashtu zbuloi në rrjetet sociale se podkasti i saj i njohur “Dua Lipa: At Your Servic” do të rikthehet javën e ardhshme për sezonin e dytë.

Kjo vjen pasi këngëtarja ishte në Brazil ku performoi në festivalin “Rock In Rio” në Rio de Janeiro gjatë fundjavës që lamë pas.

Dua, e cila njihet për hitet, duke përfshirë “One Kiss” dhe “Cold Heart”, do ta përfundojë turneun e saj këtë vit më 16 nëntor në Perth, të Australisë. /Telegrafi/