“Operacioni fshesa”, Drenica konfirmon largimin e dhjetë futbollistëve

Klubi nga Skenderaj, Drenica ka njoftuar me anë të faqeve zyrtare se ka ndërprerë bashkëpunimin me plot dhjetë futbollistë.

Drenica ka qenë njëri nga klubet më aktive në futbollin e Kosovës në afatin kalimtar të janarit.

Pas transferimeve të mëdha në këtë afat, tani ka ardhur edhe konfirmimi për dhjetë largimi.

Largimi i dhjetë futbollistëve me marrëveshje të ndërsjellë është konfirmuar nga faqja zyrtare e Drenicës në Facebook.

Lexo po ashtu Të gjitha lajmet rreth Drenicës

Postimi pa ndërhyrje i Drenicës

Klubi ka ndërprerë kontratat me disa futbollistë!

Skenderaj – 29.01.2021

Krahas përforcimeve për stinorin e ri pranveror , klubi ka qenë në negociata të vazhdueshme me futbollistët të cilët nuk ishin pjesë e projektit të klubit për pranverë.

Si rrjedhojë e kësaj, klubi njofton së ka arritur marrëveshje për ndërprerjen e kontratave me pajtim të dy anshëm më futbollistët:

Almedin Murati, Albutrint Morina, Arbios Thaçi, Ehat Gjoka, Flamur Kadriu, Jeton Dushi, Lulzim Doshlaku, Muharrem Musa, Valto Zeqaj dhe Vildan Kerim.

Klubi falënderon të gjithë futbollistët e lartcekur për gatishmërinë dhe vullnetin për të arritur gjuhën e përbashkët për ndërprerjen e kontratave, dhe ju uron shumë suksese në angazhimet e tyre në skuadrat e reja. 

Ju njoftojmë se brenda pak kohësh do të prezantojmë edhe përforcimin e fundit në këtë afat kalimtar dhe pastaj do të koncentrohemi vetëm në fillimin e stinorit pranveror, konkretisht në ndeshjën e parë të Kupës dhe atë të Kampionatit.

/Telegrafi/