Drejtoria Rajonale e Policisë në Mitrovicë shënon rënie të incidenteve dhe veprave penale

Drejtoria Rajonale e Policisë në Mitrovicë  në tremujorin e parë ka shënuar rënie të incidenteve dhe veprave penale  për 13 %  më pak .

Sipas njoftimit për media, në vlerësimet analitike të bëra në raportet periodike  tremujori i parë i vitit 2019 krahasuar me tremujorin e vitit 2018, në zonën e përgjegjësisë së Drejtorisë Rajonale të Policisë në Mitrovicë, ka shënuar rënie të përgjithshme të  incidenteve dhe rasteve  të tjera  penale.

“Rënia e numrit të rasteve në përgjithësi rezulton efikasitetin  dhe masat e  ndërmarra preventive,  bashkëveprimin ndërmjet njësive e sektorëve të ndryshëm si dhe qasjen aktive në komunitet. Derisa numri i incidenteve për periudhën e njëjtë kohore me vitin 2018 në përgjithësi shënon rënie për minus 13 %”, thuhet në njoftim.

Në tabelën e mëposhtme  evidentohen  disa nga fushat  ku shënohen rënie të veprave penale.

Sipas njoftimit, drejtoria rajonale e Policisë në Mitrovicë, përkundër sfidave të vazhdueshme  mbetet e përkushtuar me angazhimet e përditshme në fushën e parandalimit dhe reagimit në ofrim të sigurisë dhe qetësisë publike./Telegrafi/