“Drama, lot e komplikime”, publikohet videoja e operimit të Edona James për të zvogëluar gjoksin

Trangjinorja e njohur shqiptare, Edona James, ka ndarë me publikun detaje nga operacioni i fundit që ka kryer në Stamboll të Turqisë.

Operacioni, i cili përfshinte zvogëlimin e gjoksit, ishte një hap i domosdoshëm për të, pasi përmasat e mëdha të gjoksit kishin nisur t’i shkaktonin probleme serioze në shëndet.

Në një kronikë të realizuar për emisionin Prive, Edona ka folur hapur për përvojën e saj, duke treguar detajet e procesit dhe arsyet që e shtynë drejt këtij vendimi.

Operacioni u krye në një nga klinikat më të specializuara në Stamboll, ku Edona u kujdes nga një ekip mjekësh profesionistë. Ajo ndau me publikun se procedura ka shkuar mirë dhe se tashmë ndjehet shumë më e lehtësuar, jo vetëm fizikisht por edhe emocionalisht.

Trangjinorja nga Suhareka, e njohur për sinqeritetin dhe hapësirën që i ka dhënë debatit për çështjet e identitetit gjinor, theksoi se ky hap nuk ishte vetëm një ndërhyrje estetike, por një veprim për të përmirësuar cilësinë e jetës së saj.

Përmes kësaj eksperience, Edona James ka dëshmuar edhe një herë guximin dhe vendosmërinë për të ndjekur një jetë të shëndetshme dhe të ekuilibruar. Publiku e ka mirëpritur hapjen e saj, duke e mbështetur në këtë proces të rëndësishëm. /Telegrafi/