Dr. Dre ishte pranë vdekjes kur pësoi aneurizëm vitin e kaluar, familja e tij u ftua në spital për t’ia thënë ‘lamtumirën e fundit’

Legjenda e hip-hopit, Dr. Dre, ka kujtuar se ka vuajtur një aneurizëm thuajse fatal të trurit në vitin 2021.

57-vjeçari kaloi dy javë në një njësi të kujdesit intensiv vitin e kaluar pasi pësoi një aneurizëm, ndërsa tani ka treguar se familja e tij madje ishte ftuar në spital për t’i thënë “lamtumirën e fundit”.

“Ata e lejuan familjen time të hynte brenda. E mora vesh më vonë, ata i thirrën që të mund ta thonë lamtumirën e fundit, sepse menduan se nuk isha këtu”, tha ikona e muzikës – emri i vërtetë i të cilit është Andre Young.

Lexo po ashtu Dr.Dre në gjendje të mirë shëndetësore, i kthehet punës në studio muzikore

Dr. Dre ishte nën kujdes të vazhdueshëm mjekësor derisa u shërua nga aneurizmi, transmeton KP.

“Për shkak të asaj që po ndodhte në trurin tim, ata duhej të më zgjonin çdo orë për dy javë për të bërë teste, në thelb dukej si teste të maturisë, si të prekja hundën, fërkoja thembrën dhe gjithçka”, ka theksuar ai në emisionin Workout the Doubt.

Pas shërimit, Dr. Dre performoi në Super Bowl në fillim të këtij viti, së bashku me Snoop Dogg, Mary J. Blige, Eminem, 50 Cent dhe Kendrick Lamar.

Lexo po ashtu Momentet kryesore që shënuan ngjarjen më të madhe të sportit në SHBA dhe performancat e yjeve të hip-hopit në ‘Super Bowl’