Donald Cerrone ka thënë se është në pritje të përgjigjes nga Conor McGregor për një duel të mundshëm në të ardhmen.
Pas triumfit ndaj Mike Perryt në fundjavën e kaluar në UFC Denver, ylli amerikan i arteve të përziera marciale ka thënë se UFC i kishte bërë ofertë për meçin e radhës.
Ndërkaq, The Irish Mirror ka raportuar se kundërshtari potencial i tij mund të jetë pikërisht McGregor.
Në ndërkohë, vazhdon të spekulohet për një rimeç ndërmjet irlandezit dhe kamionit në fuqi në kategorinë e peshave të lehta, Khabib Nurmagomedov.
Ylli nga Dagestani e mposhti Conorin në raundin e katërt në duelin e zhvilluar në kuadër të UFC 229 në muajin e kaluar që u shoqërua me incidente mas meçit.
(Foto: Harry How/Getty Images/Guliver)
Dy yjet e UFC-së janë të suspenduar së paku deri në seancën e ardhshme dëgjimore që mbahet më 10 dhjetor në kuadër të Komisionit Atletik të Nevadës, ashtu që është e paqartë se a do t'i lejohet irlandezit të përballet me McGregorin.
Cerrone, i njohur me nofkën Kauboji, e mposhti Mike Perryn që në raundin e parë në UFC Denver të shtunën e kaluar. Fitorja e bëri atë mbajtës të rekordit për më së shumti fitore dhe më shumë përfundime.
(Foto: Jared C. Tilton/Getty Images/Guliver)
Pas duelit, 35-vjeçari deklaroi se do të kthehej në kategorinë e peshave të lehta, ku një herë ka konkurruar për titull. /Telegrafi/
