Don Xhoni konfirmon ndarjen nga modelja ruse: Mos bëj drama dhe mos e luaj viktimën në Instagram

Reperi nga Drenica, Don Xhoni, prej disa muajsh ka qenë duke shijuar një lidhje dashurie me modelen ruse, Ariana Lirey.

Megjithatë, dyshja duket se kanë ndarë rrugët përfundimisht dhe këtë e konfirmoi modelja përmes disa shkrimeve që ka ndarë në InstaStory.

Një reagim lidhur me marrëdhënien e tyre nuk ka munguar as nga artisti shqiptar, i cili po ashtu tregon të vërtetën duke shtuar se janë ndarë, por që ka një respekt të madh për Lirey.

Ai në fund i ka thënë që të mos vazhdojë të bëjë drama dhe që të mos e luajë viktimën në Instagram, pasi nuk është një person i tillë.

“Kam respekt të madh për ju, ti ke qenë pjesë e jetës time. Është një kohë që nuk do të harrohet kurrë, por gjithçka e ka një fund. Shpresoj që të jesh e lumtur në jetë dhe Zoti të bekoj zemrën tuaj”, ka thënë reperi.

Lexo po ashtu Don Xhoni ndahet nga modelja ruse?

“E di që nuk je person i keq, mos u bëj si e tillë. Mos bëj drama dhe mos e luaj viktimën në Instagram. Ka mbaruar, kaloje atë. Boluchka”, ka shkruar krejt në fund krijuesi i hitit “Make a pose”.

Ata tani kanë hequr njëri-tjetrin nga Instagrami, madje Ariana tha se ia kishte bërë bllok.

Në një tjetër postim, Don Xhoni gjithashtu ka reaguar edhe ndaj mediave që e kanë keqinterpretuar ngjarjen, e kanë bërë raportime të llojllojshme. /Telegrafi/