LAJMI I FUNDIT:

Dolores ndodhej në Londër për ribërjen e Zombie me Bad Wolves, grupi e lanson versionin e ri (Video)

Dolores ndodhej në Londër për ribërjen e Zombie me Bad Wolves, grupi e lanson versionin e ri (Video)
(Foto: Getty Images/Instagram)

Grupi i muzikës rok, “Bad Wolves”, e ka publikuar ribërjen e këngës “Zombie”, të cilën Dolores O’Riordan duhej ta incizonte së bashku me anëtarët e këtij bendi.

Kjo kishte qenë njëra prej arsyeve pse këngëtarja ndodhej në Londër, ku edhe u gjet e vdekur të hënën (15 janar).

https://www.instagram.com/p/BeI9M7dBwLo


Anëtarët e “Bad Wolves” e kishin incizuar versionin e tyre para disa muajsh dhe ia kishin dërguar Doloresit, e cila e kishte pëlqyer shumë.

Dolores O'Riordan ishte abuzuar seksualisht si fëmijë, për pasojë kishte vuajtur nga anoreksia, depresioni, alkoolizmi dhe çrregullimi bipolar
Lexo po ashtu Dolores O'Riordan ishte abuzuar seksualisht si fëmijë, për pasojë kishte vuajtur nga anoreksia, depresioni, alkoolizmi dhe çrregullimi bipolar

Prandaj, ajo udhëtoi në Londër për ta përpunuar këngën dhe për ta nënshkruar një marrëveshje me grupin, mirëpo asnjëherë nuk do të mësohet se çarë ndryshimesh kishte planifikuar të bënte dhe çfarë do t’i shtonte versionit të ri.

Këngëtarja e “The Cranberries” nuk ka arritur ta incizojë vokalin e saj për ribërjen e hitit të madh, në mënyrë që versioni të ishte i kompletuar.

Të gjitha paratë nga përfitimet e këngës së re, sipas “Bad Wolves”, do t’u jepen fëmijëve të O’Riordan.

“Zombie” është një këngë proteste nga rok bendi irlandez ” The Cranberries” e shkruar rreth bombardimeve të IRA-s në Warrington në vitin 1993, ku humbën jetën dy fëmijë.

Kënga u realizua në kujtim të fëmijëve të vrarë, Johnathan Ball dhe Tim Parry, dhe u publikua në shtator të vitit 1994, si kënga kryesore e albumit të dytë të grupit, “No Need to Argue”.

Dolores që vuante nga depresioni, e parashikoi vdekjen e hershme: Nëse arrij të pesëdhjetat, do të jem e lumtur
Lexo po ashtu Dolores që vuante nga depresioni, e parashikoi vdekjen e hershme: Nëse arrij të pesëdhjetat, do të jem e lumtur

Pikërisht Dolores O’Riordan e kishte shkruar këngën, e cila asokohe u rendit e para në top-lista në Australi, Belgjikë, Francë, Danimarkë dhe Gjermani.

Në vitin 1995 në ceremoninë e MTV Europe Music Awards, “Zombie” u shpall ‘Kënga më e mirë’, ndërsa edhe sot e kësaj dite vazhdon të jetë një prej hiteve më të dëgjuara.

https://www.youtube.com/watch?v=gFd4RmrAq-Y

Në mars të vitit 2017, grupi e realizoi edhe versionin akustik të “Zombie” që u përfshi në kuadër të albumit “Something Else” që është edhe albumi i fundit i “The Cranberries”, me Doloresin si këngëtare e bendit. /Telegrafi/

Në trend Magazina

Më shumë
Pamjet e fundit të anëtarëve të grupit të DNK-së para se të vdisnin në zjarrin në Maqedoni

Pamjet e fundit të anëtarëve të grupit të DNK-së para se të vdisnin në zjarrin në Maqedoni

Magazina
Gjesti i këndon Eglit: Si për nëntë ditë më ke harruar, nuk paska qenë dashuri por fiksim

Gjesti i këndon Eglit: Si për nëntë ditë më ke harruar, nuk paska qenë dashuri por fiksim

Magazina
DNK - Çfarë dihet për grupin që performoi në natën tragjike të Koçanit ku humbën jetën 59 persona

DNK - Çfarë dihet për grupin që performoi në natën tragjike të Koçanit ku humbën jetën 59 persona

Magazina
Kush ishte këngëtari maqedonas që vdiq duke shpëtuar të tjerët nga zjarri në diskotekën e Koçanit?

Kush ishte këngëtari maqedonas që vdiq duke shpëtuar të tjerët nga zjarri në diskotekën e Koçanit?

Magazina
Vladimir Blazev – Panço, i vetmi anëtar i grupit DNK që i mbijetoi zjarrit tragjik në diskotekë

Vladimir Blazev – Panço, i vetmi anëtar i grupit DNK që i mbijetoi zjarrit tragjik në diskotekë

Magazina
Gjesti thumbon Eglin: Unë e kam mësuar të luaj, nuk mundet tani ajo mua

Gjesti thumbon Eglin: Unë e kam mësuar të luaj, nuk mundet tani ajo mua

Magazina
Kalo në kategori