Dollari nuk është më monedha kryesore në botë

Dollari më nuk është monedha kryesore në botë, pasi euro e ka tejkaluar atë si një monedhë për pagesa në tregun ndërkombëtar, për herë të parë që nga shkurti i vitit 2013.

Deri në 37.82 për qind të transaksioneve ndërkombëtare të parave u kryen me monedhën evropiane, njoftoi Bloomberg, duke iu referuar të dhënave të Shoqatës Botërore të Telekomunikacioneve Financiare Ndërbankare (SWIFT). Shoqata përfshin 200 shtete dhe 11 mijë institucione financiare.

Euro është ndjekur nga dollari amerikan, paundi britanik, jeni japonez dhe dollari kanadez, i cili e shtyu juanin kinez jashtë pozitës së pestë, transmeton Telegrafi.

Përdorimi i dollarit është ulur me 4.6 për qind nga dhjetori i vitit të kaluar deri në tetor të këtij viti, kështu që tani llogaritë për 37.64 për qind të pjesës. Në të njëjtën kohë, euro u rrit me gjashtë për qind.

Dollari amerikan mbeti në vendin e parë kur bëhet fjalë për vendosjen e kredive dhe huave. Ekspertët e shohin krizën ekonomike për shkak të pandemisë së coronavirusit, zgjedhjeve presidenciale amerikane dhe luftës tregtare me Kinën si arsyet e kësaj rënie të dollarit në listën e monedhave më të rëndësishme.

Që nga kulmi i tij në mars, dollari ndërkohë është dobësuar me 11 për qind dhe ekspertët thonë se pasohet nga një rënie e mëtejshme. /Telegrafi/