Pasi Paneli i Apelit i Gjykatës së Bosnjës dhe Hercegovinës konfirmoi vendimin e shkallës së parë kundër Milorad Dodik, me anë të të cilit ai u dënua me një vit burg dhe gjashtë vjet ndalim për të mbajtur poste publike, Dodik u përpoq të tërhiqte vëmendjen e presidentit të SHBA-së Donald Trump me një postim.
"Është koha për të ndaluar gënjeshtrat, për të ndaluar mashtrimet, për të ndaluar shpifjet, për të ndaluar ligjin ose paditë e rreme kundër meje”, shkroi Dodik.
“– Donald Trump @realDonaldTrump, 18 shtator 2024.”
“Sot, ndërsa gjykata vepron me urdhër të një figure të huaj të pazgjedhur në një përpjekje për të shtypur vullnetin e popullit, këto fjalë mund të ishin thënë po aq mirë në Banja Luka”, shtoi ai.
“Ata më ndoqën penalisht sepse nuk mundën të nxirrnin në gjyq një milion serbë.”
“Por historia na mëson se çfarë ndodh kur gjyqësori përdoret si armë për qëllime politike - nga Amerika deri këtu”, vazhdoi Dodik.
“Populli fiton. Gjithmonë.” /Telegrafi/
