Djaloshi i Oscarit, Lum Veseli, pjesë e shenjtërimit të Nënë Terezës në Vatikan

Djaloshi i Oscarit. Kështu është më së miri ta quajmë Lum Veselin, i cili na bëri krenarë të gjithëve. Ai tash do të jetë pjesë e një ceremonie të rëndësishme në Vatikan.

Shenjtërimi i Nënës Tereze, që do të ndodh nga Papa Françesku, ka pak personalitete shqiptare të ftuara. Një prej të rrallëve, e të veçantëve aty, është krenaria e Kosovës, ylli i filmit “Shok” – Lum Veseli.

Veseli, me modestinë më të madhe të tij, e mirëpriti ftesën dhe ka paralajmëruar këtë pjesëmarrje, shkruan Telegrafi.

Filmi “Shok” nuk fitoi Oscarin, por ishte ambasadori më i madh i Kosovës në industrinë e kinematografisë botërore. Kurse, Lum Veseli, ishte një nga shqiptarët e rrallë – sidomos në këtë moshë – që shkëlqei në këtë ceremoni – më të madhen të filmit në botë.

“Hej,

A guxoj pak me ju pengu? Veç deshta me ju tregu sa I lumtur jam sot unë Lumi që falë Dijana Toska edhe unë jam pjesë e programit të shenjtërimit të Nënë Terezës që do të mbahet me 3 shtator në Vatikan. Edhe përnjime nuk po e di a jam më shumë I lumtur apo krenar. Hej more! Simbolit të paqes në mbarë botën, të madhërishmen Nënë Terezë! A është pak me e përsërit ”Oh sa mirë me qenë shqiptar!”, ka shkruar Lumi, në profilin e tij në Facebook.

/Telegrafi/