A dini si ta shtroni saktë tavolinën? Ka shumë rëndësi vendosja e çdo elementi

Dikur i kushtohej shumë vëmendje shtrimit të tavolinës, që çdo gjë të ishte në vendin e vet

Tavolina dhe takëmet janë një pjesë qendrore e çdo darke dhe është gjithmonë e dobishme të dini se si t’i vendosni ato sipas bontonit.

Në mes vendosen pjatat, të renditura sipas mënyrës së shërbimit (paragjellë, supë, gjellë), transmeton Telegrafi.

Thika vendoset në anën e djathtë të pjatës, ndërsa piruni në të majtë. Luga vendoset nga ana e djathtë e thikës në pjesën e jashtme. Dorezat e thikave duhet të jenë të kthyera drejt skajit të tavolinës, ndërsa tehet duhet të jenë përballë pjatës. Nëse kemi edhe një sallatë, atëherë në anën e majtë të pirunit shtohet një pirun i ri, një nuancë më i vogël se ai i mëparshmi dhe një thikë midis thikës së parë dhe lugës.

Nëse shërbejmë peshk si paragjellë, është e nevojshme të vendosim enë të posaçme për peshkun, një pirun në të majtë të pjatës nga jashtë dhe një thikë në të djathtë, midis lugës dhe thikës për pjatën kryesore.

Lugët dhe pirunët e vegjël për ëmbëlsirë vendosen në anën e sipërme të pjatës në mënyrë që doreza e pirunit të jetë e kthyer majtas dhe doreza e lugës në të djathtë.

Gotat vendosen gjithashtu lart, por djathtas, dhe gotat e ujit, gotat e verës së bardhë, pastaj të verës së kuqe janë të renditura nga jashtë në brendësi.

Sipër majtas vendoset një pjatë e vogël me bukë, në të cilën vendoset një thikë për lyerjen e gjalpit.

Në pjatë vendosen peceta (zakonisht të bardha).

Më poshtë mund të shikoni një video se si ta vendosni saktë tryezën në variantin më të thjeshtë. /Telegrafi/