A dini si ta dalloni një frikacak në kohët moderne? Kushtojini vëmendje karakteristikave të mëposhtme

Frikacaku modern nuk është dikush që ka hequr dorë nga lufta ose i ka thënë jo “të përballurit me dragoin”; a e dini se çfarë karakteristikash ka?

Dikur ishte e vështirë t’i shpëtonte epitetit “frikacak” – burrat duhej të provonin veten në luftëra ose në beteja. Sot, një frikacak mund të vishet me kostum, të flasë me elokuencë, të përshtatet me normat e imponuara nga bota dhe të përpiqet të mos bëjë asgjë ndryshe… por jo sepse është njeri i mirë, por nga frika se mos i shqetëson njerëzit me atë që i në fakt është.

Besohet se të gjithë, të paktën një herë, kemi qenë viktima të këtyre njerëzve; disa madje janë miqtë ose familja jonë. Është një fakt i zymtë i jetës, por megjithatë është një fakt, transmeton Telegrafi.

1. Ka frikë nga ndershmëria

Ai nuk është vetëm i pandershëm, ai ka frikë plotësisht nga ndershmëria dhe sinqeriteti. Frikacaku modern e di që karakteri i tij i vërtetë nuk është i vlefshëm për të tjerët, ndaj gënjen dhe krijon një imazh të rremë për të tjerët. Frikacaku modern kënaqet me botën e tij të rreme. Ai jeton dhe vdes në të.

2. Shmang njerëzit e fuqishëm

Frikacakët e rrethojnë veten me njerëz të ngjashëm me ta, sepse kanë një kompleks inferioriteti ndaj njerëzve të mirë dhe të ndershëm. Ironia është se ata fshehurazi admirojnë dhe sillen si njerëz të fortë, por ata po shkojnë në drejtimin e gabuar.

3. Shoqërohet me njerëz me mendje të dobët, të cilët mendon se mund t’i shfrytëzojë

Frikacaku modern “gjuan” për njerëz të dobët. Fillimisht ai sillet bukur ndaj tyre, por më vonë fillon të kërkojë favore si p.sh., huazimin e parave – të cilat nuk do t’i kthejë kurrë.

4. Manipulon fjalët

Ai e di që karakteri i tij nuk ka asgjë për të treguar, ndaj përdor fjalë boshe për të arritur qëllimet. Një frikacak ka nevojë për fjalë për të treguar veten. Një person i guximshëm ndërmerr veprime.

5. Asnjëherë nuk kërkon falje

Kryesisht sepse nuk guxon të korrigjojë njerëzit që i ka bërë keq. Frikacaku modern ka frikë nga ndëshkimi.

6. Fajëson të gjithë përveç vetes dhe sajon justifikime

Mantra e frikacakut është “duhet të jetë faji i dikujt tjetër”. Frikacaku modern është gjithmonë gati të gjejë një justifikim dhe pastaj të betohet për të. Ata kurrë nuk mund të mbyllin gojën dhe të pranojnë faktin që kanë gabuar.

7. Krijon dramë dhe është vazhdimisht në mbrojtje

Frikacakët pëlqejnë të jenë në qendër të vëmendjes; meqenëse nuk kanë guxim të aktrojnë, duhet të krijojnë dramë.

Gjithashtu, ata janë shumë në mbrojtje sepse nënndërgjegjeshëm janë të vetëdijshëm për veten e tyre, dhe kanë frikë se njerëzit e tjerë do ta shohin fytyrën e tyre të vërtetë, transmeton “Aldentans”. /Telegrafi/