Dhuroi 100 milionë euro për rindërtimin e katedrales Notre Dame, Selma Hayek: Bashkëshorti im nuk pranon ndihmë nga shteti rreth tatimeve

Ditë më parë, katedralja e famshme e Notre Dame të Parisit u përfshi nga flakët dhe për pasojë, një pjesë e saj është shkatërruar.

Pas thirrjeve të presidentit francez, Emanuel Macron që të ndihmohet financiarisht në rindërtimin e faltores 850-vjeçare, ndër të parët ishte miliarderi François Henri Pinaulit, i cili dhuroi 100 milionë euro.

Kjo ka bërë që bashkëshortja e afaristit, aktorja Selma Hayek të ndihet krenare me këtë veprim të burrit.

https://www.instagram.com/p/BwSrlzRlghr/

“Sot më shumë se kurrë ndihem krenar që jam pjesë e familjes Pinault. Jo vetëm për shkak të kontributit të tyre në rindërtimin e Notre-Dame të Parisit, por edhe për shkak se kontributi i tyre nuk do të thotë se do të kompensohen nga shteti me zbritjen tatimore”, shkroi fillimisht aktorja hollivudiane.

“Burri dhe vjehrri im janë dy qytetarë francezë, të cilët sinqerisht e kuptojnë rëndësinë e këtij thesari shpirtëror, kulturor dhe historik nga Parisi për botën”, pohoi ajo përmes llogarinë personale në Instagram.

Theksojmë se Qeveria e Kosovës si dhe e Shqipërisë, secila ka ndarë nga 100 mijë euro për rindërtimin e katedrales.

Ndryshe, mediat e huaja kanë raportuar se deri më tani janë mbledhur mbi një miliard euro për t’ia rikthyer shkëlqimin katedrales së kryeqytetit të Francës. /Telegrafi/

https://www.instagram.com/p/BwXhGuzF3WZ/