Dhurata Dora – e vetmja shqiptare që performon në mesin e 200 yjeve botërore në festivalin e Rumanisë “Beach Please”

Këngëtarja e njohur kosovare, Dhurata Dora, do të shkëlqejë këtë të diel në festivalin e madh të muzikës që mbahet në Rumani nga data 10 deri më 14 korrik. Dhurata është e vetmja këngëtare shqiptare që merr pjesë në këtë event të madh muzikor, ku do të performojnë mbi 200 këngëtarë nga e gjithë bota.

Festivali, i cili zhvillohet në “Black Sea Coast” në Rumani, pritet të sjellë një përvojë të jashtëzakonshme për adhuruesit e muzikës. Dhurata Dora do të performojë krah emrave të njohur botërorë si Travis Scott, Anitta, Wiz Khalifa dhe Fon Toliver, duke e vendosur atë në një skenë të lartë përballë artistëve të mëdhenj ndërkombëtarë.

Dhurata Dora është një nga këngëtaret më të dashura për publikun shqiptar dhe më gjerë. Projekti i saj i fundit muzikor me Yll Limanin, i cili ka marrë mbi pesë milionë dëgjime për vetëm 48 orë, është një dëshmi e popullaritetit dhe suksesit të saj të vazhdueshëm.

View this post on Instagram

A post shared by Beach, Please! Festival (@beachplease)

Pjesëmarrja e Dhurata Dorës në këtë festival të madh muzikor është një arritje e madhe për të dhe për muzikën shqiptare në përgjithësi. Ajo do të ketë mundësinë të prezantojë kulturën dhe muzikën shqiptare përpara një audiencë të gjerë ndërkombëtare, duke forcuar kështu pozitën e saj si një yll i madh në skenën e muzikës.

Fansat e Dhurata Dorës dhe adhuruesit e muzikës kanë shumë për të pritur nga kjo performancë e saj në festivalin e Rumanisë.

Me energjinë dhe talentin e saj të jashtëzakonshëm, ajo sigurisht do të bëjë një paraqitje të paharrueshme dhe do të sjellë një atmosferë elektrizuese për të gjithë të pranishmit. /Telegrafi/