I destinuar për të qenë i pari – Marku publikon pamje të disa prej momenteve të mira të meçit ndaj Charlton

Florian Marku ka triumfuar me nokaut teknik përballë kundërshtarit të tij, Rylan Charlton, në ‘The SSE Arena’ të Londrës.

Boksieri shqiptar e dominoi meçin dhe në raundin e tetë e detyroi ekipin e boksierit britanik që ta dorëzonte duelin.

Marku ishte pranë që ta nokautonte rivalin e tij që në raundin e katërt, por e shpëtoi gongu. Më pas, pati një moment pasigurie në raundin e gjashtë, kur Floriani u rrëzua për një çast.

Megjithatë, ai rikthye për ta nënshtruar Charltonin dhe kjo bëri që nga këndi i britanikut të hidhet peshqiri i bardhë.

"Kurrë nuk kemi parë një gjë të tillë", momenti qesharak kur Marku kap peshqirin që hodhi trajneri i kundërshtarit kur e dorëzoi meçin