LAJMI I FUNDIT:

Dëshmitari: Rreshterit i çuan fjalë se nuk do ta gëzojë tokën

Dëshmitari: Rreshterit i çuan fjalë se nuk do ta gëzojë tokën

Në gjykimin për vrasjen e rreshterit Shemsi Gashi, vëllai i tij tregoi se eprori policor ishte kërcënuar para vrasjes.

Në gjykimin ku dy persona akuzohen për vrasjen e eprorit policor të krimeve ekonomike Shemsi Gashi lidhur me një tokë, dëshmoi vëllai i të ndjerit.

Shefki Gashi, vëllai i rreshterit policor Shemsi Gashi që u vra në vitin 2015, tha në gjykatë se eprori policor kishte marrë kërcënime nga Ramadan Gashi, njëri nga të akuzuarit e këtij procesi.

Ai tha se raportet në mes tyre dhe kushërinjve, të akuzuar për planifikim të vrasjes së Shemsi Gashit, kishin filluar të ftoheshin për shkak të një problemi pronësor në mes të të ndjerit dhe Ramadan, Mujë e Agron Gashit.

Bëhet fjalë për një parcelë pronësore prej 40 arësh në Lagjen e Spitalit në Prishtinë të cilën e kishin trashëguar bashkërisht nga paraardhësit e tyre.

Sipas dëshmitarit, pasi që Shemsiu kishte paditur të akuzuarin Ramadan Gashi dhe i kishte fituar të gjitha kontestet gjyqësore, ai kishe marrë kërcënime direkte me sharje e fyerje.

Shefki Gashi gjatë dëshmisë së tij tha se Ramada Gashi i kishte dërguar fjalë rreshterit policor se “atë tokë s’ka me gëzu sa të jam unë gjallë”.

Shefki Gashi tha se në të pamën për vëllanë e tij, një koleg i Shemsi Gashit i kishte treguar për një ngjarje.

“Vëllau im ka qenë duke pirë kafe me kolegun e tij të punës dhe kolegu e tij i ka thënë ‘nga larg po të shikon shumë keq ai person dhe e pyeta Shemsiun se çfarë ke punë me të?’ E Shemsiu më tha ‘po më kërcënon për pronë’, për të cilin kontest gjyqësor vetëm se dihet”, deklaroi vëllai i të ndjerit.

Vëllai i rreshterit të vrarë policor tregoi se si kolegu i vëllait të tij ia kishte përshkruar njeriun që e shikonte me ngulm Shemsi Gashin.

“E këtë person, kolegu i të ndjerit e kishte përshkruar si të dobët, të gjatë dhe zeshkan. Ju vlerësojeni nga përshkrimi se cili është nga vëllezërit”, tha dëshmitari.

Në fund të seancës, avokatët mbrojtës kërkuan heqjen e paraburgimit të të akuzuarve në mënyrë që ata të mbrohen në liri.

“Keni parasysh se 6 anëtarët kryesorë të familjes Gashi janë duke u mbajtur në paraburgim për më tepër se dy vite, e në shtëpi kanë lënë bashkëshortet e fëmijët e tyre”, tha avokati mbrojtës i të akuzuarit Mujë Gashi, Mexhid Syla.

Por kjo kërkesë u refuzua nga trupi gjykues në krye me gjykatësen Valbona Musliu- Selimaj.

Rreshteri Shemsi Gashi u vra mëngjesin e 25 marsit 2015 rrugës për në zyrën e tij.  Hetimet e prokurorisë së Prishtinës kanë përjashtuar mundësinë që vrasja të ketë motiv punën të cilën Gashi e kishte kryer në Policinë e Kosovës.

Gashi u vra në Lagjen “Mati” të Prishtinës.

Ramadan Gashi, Muja Gashi, Agron Gashi, Adonis Gashi, Robert Gashi dhe Vesel Bunjaku akuzohen për planifikimin e vrasjes së Shemsi Gashit, ndërsa për vrasjen e tij ngarkohen Vesel Gjinovci e Kujtim Bejiqi.

Vesel Gjinovci, njëri nga të akuzuarit në një nga seancat e kaluara e ka pranuar fajësinë për këtë vrasje si  dhe për armëmbajtje pa leje.

Sipas aktakuzës, për vrasjen e Gashit, Vesel Gjinovcit e Kujtim Bejiqit u ishin premtuar 5 mijë euro. /KALLXO.com/

Lufta Prigozhin - Putin

Më shumë

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori

Më të lexuarat

Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Magazina
Stradner: Vuçiq dhe Dodik po përgatisin jetësimin e idesë për

Stradner: Vuçiq dhe Dodik po përgatisin jetësimin e idesë për "botën serbe"

Lajme
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës

Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës

Lajme
Hoxha: Grupe kriminale serbe po përgatiten për sulm në veri

Hoxha: Grupe kriminale serbe po përgatiten për sulm në veri

Siguri

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga