Deshi ta testoj fuqinë e jelekut antiplumb, e qëlloi veten në bark me revole – luftëtari prorusë e pësoi keq (Video, +18)

Një luftëtar i forcave proruse në Ukrainë, është plagosur rëndë kur qëlloi veten në bark me revole, derisa po testonte jelekun antiplumb dhe gjithçka filmoi për ta dokumentuar.

Incidenti ka ndodhur në rajonin e Donbassit, afër një miniere të thëngjillit në pjesën lindore të Ukrainës, transmeton Telegrafi.

Videoja e shkurtër shfaq burrin e identifikuar nga mediat ukrainase si Domovoi, i cili kishte veshur një jelek antiplumb, dhe në një moment qëllon veten në bark me revole para syve të miqve.

Personi që e filmon këtë moment rrëqethës, dëgjohet duke thënë se miku i tij ka veshur jelek antiplumb të cilin e përdorin edhe forcat speciale ruse.

Por, pasi ishte i bindur se jeleku është i papërshkrueshëm, vendosi ta qëllon veten në bark. Megjithatë ky veprim i kushtoi shtrenjtë, pasi menjëherë u rrëzua në tokë nga dhimbjet e mëdha që i kishte në bark.

Sipas mediave lokale, pas këtij veprimi burri i identifikuar si Domovoi më vonë ka ndërruar jetë, edhe pse një gjë e tillë nuk është konfirmuar zyrtarisht nga autoritetet e sigurisë. /Telegrafi/