Deputeti gjerman nga partia e Merkelit: Dialogu Kosovë-Serbi, mos të ngec në grindje për territor

Nënkryetari i Grupit Parlamentar të deputetëve të CDU-së, Johann Wadephul ka folur rreth Samitit të Berlinit, dhe vazhdimësisë së dialogut ndërmjet Kosovës në Serbi.

Ai ka thënë se nuk duhet të ngecet në grindje të pa nevojshme për korrigjim të kufijve ndërmjet Prishtinës dhe Beogradit, por të vazhdohet me diskutime rreth temave që kanë të bëjnë me trashëgiminë kulturore, pakicat e asociacionin,

Këto deklarime ai i ka bërë në një intervistë për DeutcheWelle.

Wadephul tha se Samiti i Berlinit ishte pozitiv dhe impuls i rëndësishëm për venet e Ballkanit Perëndimor.

“Samiti ishte shumë pozitiv. U gëzova shumë që erdhën kaq shumë liderë nga rajoni për të biseduar me kancelaren Merkel dhe presidentin Macron. Ishte një impuls i rëndësishëm që Angela Merkel me Emmanuel Macron dhanë dhe ky impuls tani duhet të merret nga vendet e rajonit. Dhe sidomos mes Serbisë dhe Kosovës na nevojiten negociata shumë konkrete”, deklaroi Wadephul.

Ai shtoi se konflikti Kosovë- Serbi nuk mund të zgjidhet brenda ditës.

“Problemi i njohjes nuk mund të zgjidhet brenda ditës, askush nuk e pret këtë. Por mund të flitet për çështje të veçanta, për trashëgiminë kulturore, për mbrojtjen e pakicave, për asociacionet e komunave. Tani është e rëndësishme që të dyja palët të bisedojnë e të mos ngecet në ca grindje të panevojshme për territore. Këto janë çështje të dorës së dytë”, u shpreh Wadephul.

Wadephul theksoi se nëse negociatat do të fillojnë tani me zgjidhjen e këtyre çështjeve praktike dhe shumë konkrete, atëherë kjo është një shenjë e mirë.

“Nëse negociatat do të fillojnë tani me zgjidhjen e këtyre çështjeve praktike dhe shumë konkrete, atëherë kjo është një shenjë e mirë. Gjithsesi, ishte një nismë e rëndësishme nga Parisi dhe Berlini, sepse tani mund të rifillojnë negociatat”, tha ai. /DW/