Demonstrata të dhunshme në Indi kundër ligjit të ri për dhënien e shtetësisë

Ligji i ri për shtetësi, që është aprovuar nga qeveria në Indi, ka mllefosur banorët, të cilët mbushën rrugët për të shprehur pakënaqësinë.

Policia raporton se demonstratat janë bërë të dhunshme, derisa janë vrarë katër persona derisa teksa po bëheshin përpjekje që t’i shpërndanin demonstruesit që thyenin lokalet dhe i vënin flakën veturave, transmeton Telegrafi.

Në Guwahati, që është qyteti më i madh i shtetit Assam, mbi 5,000 njerëz dolën në rrugë, duke kërkuar rrëzimin e ligjit kontrovers që qeveria e kaloi disa ditë më parë.

Shumë forca të rendit kanë qenë në detyrë, nga frika se demonstruesit mund të hynë në ndërtesat qeveritare ku mund të shkaktonin dëme të mëdha.

Ky ligj nuk po iu pëlqen aspak banorëve të këtij shteti të pasur me naftë, pasi kjo ua mundëson banorëve të shteteve fqinjë që të marrin shtetësinë dhe të kenë mundësi të punojnë.

Ata frikësohen se me kalimin e këtij ligji, shumë minoritete do ta mbushin shtetin e tyre, ku mund të punojnë për një kompensim të vogël dhe t’i lënë ata pa punë. /Telegrafi/