Një dem i tërbuar u qëllua duke u vrarë nga policia në Selby të Yorkshire-it, në Angli, pasi shkaktoi kaos.
Kafsha u pa të mërkurën në mëngjes duke vrapuar nëpër qytet bashkë me një tufë lopësh, duke bllokuar trafikun dhe më pas duke hyrë në shinat e trenit pranë stacionit Selby.
Policia, në bashkëpunim me British Transport Police dhe Network Rail, përdori dronë dhe thirri fermerë për ta kontrolluar situatën, por përpjekjet dështuan.
Sipas autoriteteve, qetësimi i demit nuk ishte i sigurt apo praktik për shkak të rrezikut të menjëhershëm dhe mungesës së ndërhyrjes veterinare në vendngjarje.
Policia tha se vendimi për ta eliminuar kafshën u mor si “zgjidhje e fundit” për të parandaluar rrezik më të madh për publikun dhe rrjetin hekurudhor. /Telegrafi/
