Delilah dhe Amelia Hamlin sfidojnë motin e ftohtë me veshje provokuese, gjatë Javës së Modës në New York

Motrat Delilah Belle Hamlin dhe Amelia Grey Hamlin, vajzat e Lisa Rinna dhe Harry Hamlin, u shfaqën me veshje elegante dhe të guximshme gjatë Javës së Modës në New York.

Delilah, 26 vjeçe, zgjodhi një komplet të zi të brendshëm Dolce & Gabbana, me një korse të strukturuar, çorape të tejdukshme dhe taka të zeza me majë.

Ajo e plotësoi pamjen me një çantë të vogël të zezë dhe e la pallton pas, duke sfiduar të ftohtin me stilin e saj të guximshëm, shkruan DailyMail.

Amelia, 23 vjeç, zgjodhi një veshje Maison Valentino, me sytjena të kuqe, një bluzë të tejdukshme me mëngë leshi dhe pantallona të shkurta të qëndisura me dantellë.

Flokët e saj të zinj dhe të drejtë binin në kontrast me modelin e akullt biond të Delilah.

Ajo kompletoi pamjen me doreza dhe çorape dantelle, një çantë Valentino dhe taka elegante me gurë të ndritshëm.

Veshjet e tyre u krijuan me ndihmën e stilistit Danyul Brown, i cili më vonë ndau pamje të motrave në rrjetet sociale.

Motrat po ashtu u panë së bashku në një koncert të Billie Eilish në Los Angeles.

Motrat Hamlin vazhdojnë të lënë gjurmë në botën e modës me stilin e tyre unik dhe paraqitjet e spikatura. /Telegrafi/