LAJMI I FUNDIT:

Delegacioni i MFSK në SHBA, diskutojnë për tranzicionin e FSK-së

Delegacioni i MFSK në SHBA, diskutojnë për tranzicionin e FSK-së

Delegacioni i Ministrisë së Forcës së Sigurisë së Kosovës (FSK) ka vazhduar takimet zyrtare në Senatin Amerikan dhe në Departamentin e Shtetit. 

Zëvendësministri për FSK, Burim Ramadani, dhe Komandanti i FSK-së, Gjeneral-lejtënant Rrahman Rama, janë pritur në Washington D.C në takime të ndara nga Senatori Gary Peters, si dhe nga Zëvendësndihmës Sekretari i Shtetit, Mathew Palmer.


Në takimin me Senatorin nga Michingan, Gary Peters, u diskutua për angazhimet e përbashkëta Kosovë – SHBA në fushën e sigurisë dhe mbrojtjes. Gjithashtu u diskutua për aftësimin e Kosovës në përballjen me sfidat rajonale dhe globale.

Ndërsa, në takimin me Zëvendësndihmës Sekretarin e Shtetit, Mattew Palmer, u diskutua mbi procesin e tranzicionit të FSK-së, planin afatgjatë të zhvillimit dhe përpjekjet e Kosovës në marrëdhëniet rajonale dhe euro-atlantike.

Në të dy takimet e ndara, Peters dhe Palmer theksuan mbështetjen e vazhdueshme amerikane për Kosovën, si nga Senati, po ashtu edhe nga Qeveria amerikane. /Telegrafi/