Dele Alli mbërriti për një provë në Itali, ish-ylli i Anglisë dëshiron të ringjallë karrierën e tij

Mesfushori anglez Dele Alli  ka mbërritur në Itali, ku duhet të përfundojë transferimin te klubi i Serie A, Como.

Alli ka qenë duke u stërvitur me Everton për të mbajtur në formë, por njoftoi largimin e tij me klubin anglez në një deklaratë emocionale në mediat sociale javën e kaluar.

Pak para kësaj, ish-ylli i Tottenham dhe Anglisë u pa në tribuna në Como, me mediat që sugjeruan se klubi italian do t’i ofrojë atij një kontratë shpëtimi.

Tani, sipas La Gazzetta dello Sport, Alli ka mbërritur në Como dhe do të fillojë një provë me klubin e menaxhuar nga legjenda spanjolle Cesc Fabregas.

Dele Alli ‘arrives in Como as he begins trial period with the Serie A side’ – as former Tottenham and England star looks to revive career in Italy after Everton exit https://t.co/tgdC1wcZ3b

— Mail Sport (@MailSport) December 26, 2024

Në tekst thuhet se Como dhe Fabregas do të vlerësojnë gjendjen e Allit dhe do të vendosin nëse do ta nënshkruajnë atë përgjithmonë.

28-vjeçari luajti për herë të fundit në garë në shkurt të vitit 2023 gjatë një huazimi te gjiganti turk Besiktas.

Pasi Alli u pa në Como, Fabregas foli për lidhjet me ish-lojtarin e Tottenhamit, por më pas hodhi poshtë pretendimet se një transferim do të realizohej. /Telegrafi/